Kana dashtis te ninkăres tiro shero kana savore
Hasaren pengeren thai kushen tu,
Kana shai pakias-tu tut kana savore na,
Tale shai kăres mukimos lengă bipakiaimas ;
Kana tu shai ajakăres thai na khinios ajukerindos,
Va avindoi hohavdino, tu na hohaves,
Va avindoi nadehlo, na mukes drom le nadehlimaskă,
Thai na sîkaves-tu korkoro lashio, vai na des duma so but goghiaveres :
Kana shai dikhes sune- thai na kăres le sunen tiro rai ;
Kana shai des goghi- thai ci kăres tire goghimaten tiro aresimos ;
Kana dashtis te malavdios le Jirinimasa thai le Nalashimasa
Thai te phiraves-tu kadale duie athavnensa yekhe chandeste ;
Kana shai phiraves te shunes o chachimos phendino tutar
Banghiardino le chorendar te kăren ik phanglimos andar le dile,
Vai te dikhes le butia andine tutar jivimaste, pharavdine,
Thai te aches thai te phandes-le rimome alatensa:
Kana shai kăres ik burnik tire savore lovendar
Thai te kheles-le yekhia patriniate ,
Hasarindoi-le, thai shirdindoi pale sherestar
Thai nikana phurdindoi ik lav pa tiro hasarimos ;
Kana tu shai sigiares le iles thai merkauzenen thai la zoria
Te sevnen kire kamlimas but pala so von gele,
Thai te beshes kana nai khanci ande tute
Ferdi o Kamlimos savo phenel-lengă: "Beshen! "
Kana tu dashtis te des duma le manushengă thai te ninkăres kiri pakiv,
Vai te phires thagarensa- thai te na paruvdios,
Kana chi le amala chi le dushmanya na dashtin te dukhaven-tu,
Kana savorendar dukhal-tu, tale na kadea but ;
Kana dashtis te pheres o nakhlo biafărno minuto
Shovardeshe sekundensa te nakhliares-les.
Teri si e phuv thai savore so si ande late.
Thai- so si buter- tu ka aves ik Manush, munro chavoro!
Bibliografie
http://www.pruteanu.ro/MeritaImag+Texte/if-daca-bil+.htm
